మనిషి చెడిపోకుండా ఉండాలంటే తాబేలు నుంచి నేర్చుకోవాల్సింది ఇదే..
దిశ, వెబ్ డెస్క్: తాబేలు దానికి ఏదైనా ప్రమాదం ఎదురవుతుంది అనే పసిగట్టగానే తన నాలుగు కాళ్లు మరియు దాని తల లోపలికి పెట్టి దాని డిప్పలో సురక్షితంగా ఉంటుంది. ఆ డిప్పలోకి వెళ్లితే దానిని ఎవరు ఏం చేయలేరు. ఏదైనా ప్రమాదం వచ్చినా, అలికిడి విన్నా, తనకు ఏం జరుగుతుందో అన్నా భయంతో నాలుగు కాళ్లని తలకాయను లోపలికి లాగేసుకుంటుంది.
అలాగే మన మనసు ఇంద్రియాల ద్వారా గ్రహించిన ‘ ఈ శబ్దాలు మాటి మాటికి విందాం.. ఈ స్పర్శ మళ్లీ మళ్లీ పొందుదాం.. ఈ రూపం అక్రమమైన సరే అది నాకు చెందవలసిందే.. ఈ రుచి నాకు అరగకున్నా సరే, అనారోగ్యమైన సరే నేను ఇదే తింటా.. ఈ గంధం నాకు ఇబ్బంది అయినా సరే ఈ గంధమే కావాలి ఎంత ఖరీదైనా సరే..’ అని ఇంద్రియాల ద్వారా మన మనసు వ్యామోహాలకు లోనవుతున్నప్పుడు ఆ ఇంద్రియాలను, మన మనసును వెనక్కు లాగేసుకోవాలి. ఇదే కమఠంపు నివృత్తి అంటారు. ఇదొక్కటి చేయగలిగితే ప్రపంచంలో ఏ అనర్థాలు జరుగవు. ఏ మనిషి కూడా చెడుగా మారడు.
